PANXOLIÑA DE CHAPELA

PANXOLIÑA DE CHAPELA

Chapela meu querido pobo,
ben te podes tí louvar,
por celebrar tan ditosa
esta Festa do Nadal.

Entre Chapela i Belén,
hai un fermoso carreiro,
por onde imos todos a ver
ó Redentor verdadeiro.

En Chapela podemos ver
o fervor da nos fe,
que pon o noso alcance
a hermandade e o pracer.

Ven a nós polo Nadal
a amizade e o consolo,
e todo énchese de paz
ó camiñar polo meu pobo.

Hoxe todos en Chapela
estamos xuntos a celebrar,
ese Nadal que xa chega
e ven para nos salvar.

Ese Neno encantador
trae para la humanidá:
o consolo para o delor
e o remedio para a paz.

En Chapela os recordos
acarician o fervor
para cantar contentos
o Nacemento do Señor.

As campás soando están,
teñen gañas de falar,
porque queren anunciar
que xa chega-lo Nadal.

O Neno que ven do Ceo,
lixeiro a todo correr;
pois, agora está nacendo,
e mañá terá que morrer.